საბავშვო ბაგა-ბაღების მიერ გამოცხადებულ ვაკანსიებში, რომლის მიხედვითაც სკოლამდელი სააღმზრდელო დაწესებულებისთვის მენეჯერი უნდა შეარჩიონ, დეტალურად არის გაწერილი ის ფუნქცია-მოვალეობები და საკვალიფიკაციო მოთხოვნები, რომელიც შერჩეულმა კანდიდატმა უნდა დააკმაყოფილოს.

მაგალითად, თბილისში, გლდანში მდებარე ერთ-ერთი კერძო საბავშვო ბაღში მენეჯერის პოზიციისთვის ეძებენ პირს, რომლისთვისაც წაყენებული მოთხოვნები ასეთია:

ფუნქცია-მოვალეობები:

• პედაგოგებისთვის შესაბამისი რეკომენდაციების შეთავაზება
• სასწავლო პროგრამის გამართვა, რესურსების შექმნა და სასწავლო გარემოსთვის მორგება
• სასწავლო პერსონალის პროფესიულ განვითარებაზე ზრუნვა
• სხვადასხვა სახის ღონისძიების ორგანიზება
• მონაცემთა ელექტრონული ბაზის შექმნა და განახლება
• საოფისე დოკუმენტაციის შექმნა, მონიტორინგი და არქივის წარმოება
• ხელშეკრულებების რეგისტრაციის უზრუნველყოფა
• შეხვედრების ორგანიზება როგორც ორგანიზაციის შიგნით, ასევე მის გარეთ

კვალიფიკაცია:

• შესაბამისი უმაღლესი განათლება
• კომპიუტერული საოფისე პროგრამების ცოდნა
• საბავშვო ბაღის საქმის წარმოებისა და სპეციფიკის ცოდნა.
• სასურველია აღნიშნულ პოზიციაზე მუშაობის არანაკლებ ერთწლიანი გამოცდილება.

ანაზღაურება: განისაზღვრება გამოცდილებისა და კვალიფიკაციის მიხედვით.

როგორც skolamdelebi.ge-მ გაარკვია, საბავშვო ბაღის მენეჯერის პოზიციაზე ანაზღაურება 400 დან 700 ლარამდე მერყეობს - 9-დან 14 საათამდე მუშაობის შემთხვევაში - 400 ლარი, ხოლო 9-დან 17 სთ-მდე 700 ლარია.