ავტორიზაციის პროცესისთვის, რომელიც 2025-2030 წლებში განხორციელდება, აუცილებელია, სკოლამდელი აღზრდის დაწესებულებაში კურიკულუმის დანერგვა და განხორციელება.

თვითშეფასების კითხვარის მიხედვით, რომელიც საბავშვო ბაღებმა 2023 წლის ბოლომდე უნდა შეავსონ, გაწერილია კურიკულუმის განხორციელების დეტალები:

► საგანმანათლებლო პროცესის დაგეგმვა უნდა შეესაბამებოდეს კურიკულუმით განსაზღვრულ პერიოდულობას და ხანგრძლივობას;

► კურიკულუმის შესაბამისი გეგმა/გეგმების შემუშავება თანამონაწილეობითი პროცესი უნდა იყოს და ხორციელდებოდეს ჯგუფის საგანმანათლებლო პერსონალის მიერ;

► საგანმანათლებლო პროცესის ფარგლებში შექმნილი დოკუმენტაცია უნდა ასახავდეს ჯგუფის საჭიროებებსა და ინტერესებს;

 ► საგანმანათლებლო პროცესის ფარგლებში შექმნილი დოკუმენტაცია უნდა ასახავდეს ბავშვის ინდივიდუალურ საჭიროებებს;

 ► თამაში/თამაშის ელემენტები საგანმანათლებლო პროცესის, მათ შორის ტრანზიციის წარმართვის ძირითადი ხერხი უნდა იყოს;

► დღის განმავლობაში, თითოეულ ბავშვს უნდა ჰქონდეს სხვადახვა ტიპის თამაშში ჩართვის საშუალება როგორც ინდივიდუალურად, ისე ჯგუფურად როგორც შენობაში, ისე მის გარეთ.

► დაწესებულებას შემუშავებული უნდა ჰქონდეს ბავშვთა ზღვრული რაოდენობის განსაზღვრის მეთოდოლოგია, რომელიც ითვალისწინებს კანონით დადგენილ მოთხოვნებს;

► დაწესებულებაში უნდა მოქმედებდეს საგანმანათლებლო პროცესის რესურსებით შეუფერხებლად უზრუნველყოფის მექანიზმი;

► დაწესებულებას უნდა ჰქონდეს კურიკულუმის შესაბამისი საგანმანათლებლო რესურსი ბავშვთა ზღვრული რაოდენობის  გათვალისწინებით.

► ჯგუფური ოთახის და გარე სივრცის ფიზიკური გარემოს მოწყობა განსახორციელებელი კურიკულუმის შესაბამისი უნდა იყოს;

► დაწესებულების შიდა და გარე სივრცეში საგანმანათლებლო  რესურსების ორგანიზება განსახორციელებელი კურიკულუმის შესაბამისი უნდა იყოს;

► დაწესებულების შიდა და გარე სივრცეში არსებული საგანმანათლებლო  რესურსები ბავშვებისთვის ხელმისაწვდომი უნდა იყოს;

► ჯგუფების ოთახები იმდაგვარად უნდა იყოს მოწყობილი, რომ ბავშვს ჰქონდეს აქტიურ და პასიურ, მცირე და დიდ ჯგუფურ აქტივობებში მონაწილეობის, ასევე დასვენებისა და განმარტოების შესაძლებლობა;

► საგანმანათლებლო პერსონალი თანმიმდევრულად უნდა იყენებდეს ბავშვზე დაკვირვებისა და შეფასების  მრავალფეროვან მეთოდებს;

► შეფასება უნდას ემსახურებოდეს თითოეული ბავშვის ინტერესების, საჭიროებების, პროგრესის გამოვლენას განვითარების ყველა სფეროში;

► შეფასების შედეგები გამოყენებული უნდა იყოს საგანმანათლებლო პროცესის დაგეგმვისთვის/მოდიფიცირებისთვის;

►  ბავშვის შეფასების პროცესი უნდა ითვალისწინებდე ოჯახის ჩართულობას.

იხილეთ ასევე:

რა ჩანაწერების გაკეთება ევალებათ საბავშვო ბაღების აღმზრდელებს კურიკულუმის მიხედვით - „არ უნდა გამოგრჩეთ ეს საკითხები“

21 ტერმინი, რომელიც საბავშვო ბაღების წარმომადგენლებმა უნდა იცოდნენ - რას ნიშნავს სასკოლო მზაობის სახელმწიფო სტანდარტი და საკონსულტაციო საბჭო