შფოთვის, დაუცველობის შეგრძნების და შიშის განცდის გამო ბავშვებს მარტო დაძინება ხშირად უძნელდებათ, რის გამოც ისინი მშობლებთან ძილს არჩევენ, - აღნიშნულია იაშვილის სახელობის ბავშვთა ცენტრალური საავადმყოფოს მიერ გავრცელებულ ინფორმაციაში, სადაც შესაბამისი რჩევებიც არის მოცემული

თუ თქვენს შვილსაც მსგავსი პრობლემა აწუხებს, ყურადღებით გაეცანით ამ რჩევებს:

► შეინარჩუნეთ ბავშვის ოთახში სიმშვიდე -კომპიუტერის, ტელევიზორის ან სმარტფონის გამოსხივება ბავშვს ჩაძინებაში ხელს შეუშლის;

► მიაჩვიეთ ბავშვი ძილის წინ ჩასატარებელ ჰიგიენურ პროცედურებს - ჰიგიენური პროცედურების რეგულარულად ჩატარება ბავშვს ძილისადმი უფრო დადებითად განაწყობს;

► არ დარჩეთ ბავშვის ოთახში დიდხანს - ბავშვის საძინებელი იქამდე უნდა დატოვოთ, ვიდრე მას ჩაეძინება;

► ბავშვი კარგი ქცევისთვის ხშირად დაასაჩუქრეთ - მან უნდა გააცნობიეროს, რომ მის სიმამაცეს მშობლების მხრიდან სათანადო ჯილდო და აღიარება მოყვება;

► იყავით თანმიმდევრული და პრინციპული - თუ თქვენი შვილი შუაღამით საძინებელში შემოდის და თქვენს საწოლში დაწოლას ითხოვს, ის თავის ოთახში უნდა დააბრუნოთ.

იხილეთ ასევე:

„სანამ ბავშვს ბაღში მიიყვანთ, ივარჯიშეთ ღილებისა და ელვაშესაკრავის შეკვრაში, ზურგჩანთის მოკიდებაში და ნახეთ, რამდენად სწრაფად შეძლებს ამას“ – 7 რჩევა ბაღში წასვლის წინ

როგორ აშენდება კედლები, სკოლამდელ ასაკზეა დამოკიდებული - ბავშვის თავის ტვინი და შენობის არქიტექტურა