იანუშ კორჩაკი, იგივე ჰენრიხ გოლდშმიტი, რომელმაც მშობლებისთვის ფაქტობრივად 10 მცნება შექმნა, ებრაული წარმოშობის პოლონელი ექიმი-პედიატრი, მასწვლებელი, მწერალი და საზოგადო მოღვაწე გახლდათ.
ის ვარშავაში, ინტელიგენტი, ასიმილირებული ებრაელების ოჯახში დაიბადა და თავი ბავშვებს მიუძღვნა. კაცი, რომელიც ზღაპრებიდან გამოსულ კეთილ ჯადოქარს ჰგავდა, 25 წელი მისივე შექმნილ უპატრონო ბავშვთა სახლში ცხოვრობდა და პატარებს შემოწირულობებით ინახავდა.
ცნობილი „კეთილი ჯადოქარი“ კითხულობდა ლექციებს პედაგოგიკაზე, გამოდიოდა რადიოთი, რედაქტოროდა პედაგოგუირ ლიტერატურას, იყო ექსპერტი მცირეწლოვან დამნაშავეთა გასამართლებისას, წერდა ბაშვებზე და ბავშვებისათვის.
1940 წელს ობოლთა სახლის აღსაზრდელებთან ერთად ვარშავის გეტოში გადაიყვანეს სხვა უამრავ ებრაელტან ერთად. ლეგენდადებად გავრცელდა ამბები, შიმშილითა და ავადმყოფობით სავსე საკონცენტრაციო ბანაკებში როგორ გმირულად შოულობდა პატარებისთვის საკვებსა და მედიკამენტებს.
1942 წელს, როცა ფაშისტებს 200 ებრაელი ბავშვი გადაჰყავდათ გაზის კამერებში, იანუშ კორჩაკიც მათთან ერთად იყო, მიუხედავად იმისა, რომ იგი შეიწყალეს. როდესაც მისმა მეგობარმა გეტოდან გათავისუფლების საშვი მიაწოდა, კორჩაკმა გადაწყვიტა, ბავშვებს, იგივე „ცოცხალ წმინდანებს“ გვერდიდან არ მოშორებოდა და მეგობარს ჰკითხა: „შენ მიატოვებდი შენს შვილს ავადმყოფობასა და უბედურებაში? აქ ჩემი 200 შვილია, როგორ მივატოვო ან როგორ უნდა ვიცხოვრო ამის შემდეგ?!“ გადაწყვიტა, ბავშვებს არ გაეგოთ, სად მიჰყავდათ და საზეიმო განწყობა შექმნა. მათ უთხრა, რომ გასართობად მიდიოდნენ და სიმღერით შეუძღვა გაზის კამერებში ისე, რომ პატარებმა ვერც კი გააცნობიერეს, რა საფრთხე ემუქრებოდათ.
გთავაზობთ, იანუშ კორჩაკის 10 მცნებას მშობლებისთვის:
- ნუ ელოდები, რომ შენი შვილი იქნება შენნაირი ან ისეთი, როგორიც შენ გინდა. დაეხმარე, რომ იყოს ის, რაც მას უნდა.
- ნუ დააყვედრი ყველაფერს, რასაც მას უკეთებ. შენ მას სიცოცხლე აჩუქე, როგორ გადაგიხდის ამას? ის თავის შვილს გადასცემს სიცოცლეს, ის შვილი თავის შვილს და ეს არის ბუნებრივი მადლიერების კანონზომიერება.
- სხვის ჯავრს ბავშვზე ნუ იყრი, რადგან ის სუსტია. დიდი ხნის მერე მოხუცდები და შენც დასუსტდები და მოიმკი რასაც დასთეს.
- ნუ გაქვს აგდებული დამოკიდებულება მისი პრობლემების მიმართ. ცხოვრება მისთვისაც ისეთივე რთულია, როგორც შენთვის. უფრო მეტადაც, რადგან მას არ აქვს გამოცდილება.
- არ დაამცირო.
- არ დაგავიწყდეს, რომ ყველაზე მნიშვნელოვანი ბავშვთან შეხვედრაა. უფრო მეტი ყურადღება მიაქციე მას, რადგან ჯერ არ იცი, ვის ხვდები ამ ბავშვის სახით.
- ნუ დაიტანჯავ თავს იმაზე ფიქრით, რომ შვილს რაღაც ვერ გაუკეთე, რადგან ყოველთვის ცოტა იქნება, სანამ ყველაფერს არ გაუკეთებ.
- შვილი ეს არ არის ტირანი, რომელმაც ცხოვრება წაგართვა. შვილი - ეს არის ცხოვრების ნაჩუქარი წმინდა ჭურჭელი, რომელსაც უნდა მოუარო და შემოქმედებითად შეავსო. შვილი არ არის უბრალოდ „ჩემი ბავშვი“, ის დროებით მოსავლელად მობარებული სულია.
- გიყვარდეს უცხო ბავშვებიც. სანამ გადაწყვეტ როგორ მოექცე, მათ ადგილას ყოველთვის შენი შვილი წარმოიდგინე.
- გიყვარდეს შენი შვილი ყველანაირი - უიღბლო, უნიჭო, წარუმატებელი. მასთან ურთიერთობისას გაიხარე და გახსოვდეს - ეს ზეიმი შენთან გარკვეულ დრომდეა.
იხილეთ ასევე:
მილიარდერი, რომელმაც ბედნიერება პატარების დახმარებაში იპოვა
„მამას დაავიწყდა“ - სანამ თქვენს შვილებს ასე მოექცევით, წაიკითხეთ
