სკოლამდელი აღზრდის დაწესებულებებმა მიმდინარე წლის ბოლომდე თვითშეფასების კითხვარი უნდა შეავსონ.

განათლების ხარისხის განვითარების ეროვნულმა ცენტრმა ადრეული აღზრდისა და განათლების ან/და სკოლამდელი აღზრდისა და განათლების დაწესებულების თვითშეფასების ფორმა და განხორციელების წესი დაამტკიცა.

საბავშვო ბაღების თვითშეფასების ფორმა და წესი დამტკიცდა - დოკუმენტის დეტალები

აღნიშნული წესი ადგენს ადრეული აღზრდისა და განათლების დაწესებულების მიერ სსიპ - განათლების ხარისხის განვითარების ეროვნულ ცენტრში თვითშეფასების წარმოდგენის ფორმას და განხორციელების წესს.

თვითშეფასებაში ჩართული მხარეები თვითშეფასების კითხვარს ავსებენ, სადაც დაწესებულების შესაბამისობის აღწერაა ავტორიზაციის სტანდარტებთან მიმართებით.

ავტორიზაციის პირველი სტანდარტის, - დაწესებულების მისია და სტრატეგიული განვითარება, - მიხედვით  დაწესებულების ადმინისტრაციის წარმომადგენლის კითხვარი შემდეგი სახის არის:

დაწესებულების მისია - დაწესებულებას გააზრებული აქვს საკუთარი ადგილი და როლი საგანმანათლებლო სივრცეში და საზოგადოებაში

1. დაწესებულების მისია ეხმიანება ბავშვის საუკეთესო ინტერესების დაცვას და განსაზღვრავს საკუთარ როლს, როგორც ბავშვის კეთილდღეობაზე ორიენტირებულ სივრცეს.
2. დაწესებულების მისიიდან გამომდინარე განსაზღვრულია დაწესებულების ხედვა.
3. დაწესებულების მისიიდან გამომდინარე განსაზღვრულია დაწესებულების ღირებულებები.
4. მისია, ხედვა და ღირებულებები შემუშავებულია დაინტერესებული მხარეების ჩართულობით.
5. მისია, ხედვა და ღირებულებები გაზიარებულია დაინტერესებულ მხარეებთან.
6. მისია, ხედვა და ღირებულებები საჯაროდაა ხელმისაწვდომი.

სტრატეგიული განვითარება - დაწესებულებაში მოქმედებს  დაგეგმვის პრაქტიკა

1. დაწესებულებას აქვს სტრატეგიული დაგეგმარების მეთოდოლოგია, რომელიც მოიცავს სტრატეგიული და სამოქმედო გეგმის მონიტორინგისა და შეფასების მექანიზმს და ითვალისწინებს დაგეგმვის პროცესში დაინტერესებული მხარეების ჩართულობას.
2. სტრატეგიული გეგმა არის არანაკლებ ხუთწლიანი, ციკლური და შესაბამისობაშია დაწესებულების მისიასთან, ხედვასთან და ღირებულებებთან. ის შეიცავს მისიასთან თავსებად მიზნებს და მიზნების შესაბამის ამოცანებს.
3. სამოქმედო გეგმა არის ერთწლიანი. ის ეფუძნება სტრატეგიულ გეგმას და დაწესებულების ყოველწლიურ თვითშეფასებას.
4. სამოქმედო გეგმაში განსაზღვრულია სტრატეგიული მიზნებისა და ამოცანების შესაბამისი აქტივობები, შესრულების გაზომვადი ინდიკატორები, რეალისტური ვადები, პასუხისმგებელი პირები/სტრუქტურული ერთეულები და შესაბამისი რესურსები, რომელთა უზრუნველყოფაც რეალისტურია.
5. მეთოდოლოგიის შესაბამისად დაწესებულება ახორციელებს სტრატეგიული განვითარების და სამოქმედო გეგმების შესრულების მონიტორინგსა და შეფასებას.
6. სტრატეგიული განვითარების და სამოქმედო გეგმების შესრულების შედეგები საჯაროდაა ხელმისაწვდომი და გამოიყენება დაწესებულების შემდგომი განვითარებისთვის.

იხილეთ ასევე:

„თუ საბავშვო ბაღი დამალავს პრობლემას, საკუთარ თავს განაჩენს გამოუტანს“ - სკოლამდელი აღზრდის დაწესებულებებზე პარლამენტში იმსჯელეს

საბავშვო ბაღების ავტორიზაციის საბჭოს წევრებს ამ წესის მიხედვით დანიშნავენ - განათლების მინისტრმა ბრძანებას ხელი მოაწერა